Stammbaum der Familien Tobias und Kraft

21.11.1656 Heribert Haaß Vnnd Wilh. in den Büscher höuen scheffen Beiahen ferner, das sie verzigh vnd außgangh empfangen haben von Johannen Rieborn vnnd hilgen seiner haußfrawen vber ihre gerechtigkeit auf der Gemarcken ad 13 heisteren welche sie Eheleüth Johannen in den wacholteren Lehngen seiner haußfrawen vnd Erben Erblich verkaufft vnd wie rechtenß vbertragen haben, welcher Erbkauff also angenohmen vnd gerichtlich bekrefftiget worden … Jdem Heribert haaß vnnd Johan weber pringen vor, das sie verzigh vnd außgangh empfangen haben von hermannen wirtz drütgen seiner haußfrawen vber zwey schillingh haisteren, welche gedachte verkauffere Johannen in den wacholteren Lehngen seiner haußfrawen vnnd Erben Erblich verkaufft vnd vbertragen haben welcher kauff gleichfalß ordentlicher weise Bekräfftigt worden